Begrüßung – Bayern

Servus,

mia gfrein uns vei echd, dasma Eana heid oda in de näxdn Doog in unsar Zahnarztpraxis in Burgpreppach begriaßn derfn.

Mia meng uns Eana gern voastäin und hom desweng fia Eana im undern Teil vo dem Text a boa Details z‘ unsrar Praxis zammagfasst, de woa fia Eana intressant sei kanntn.

Damit mia Eana guad betrein kinna, braungma mia ano a boar Infoamaziona. Dodafia hamma mia an Frongong, der wo „Omeldefoamular“ (schaugst amoi untn) hoasst. Mia dadn Eana bittn, dass den Bong gewissenhoft ausfuin. Koa Angst, des woas nachat scho mit de Foamalitätn.

Soitn Sie koa ausreichendn Deitschkenntnisse hobn – koa Problem. Damit mia uns mid Eana in da Praxis gscheid unterhoitn kenna, homna mia an fost olle Computern a Programm eigricht, des wo unsa und Eana Muadasprach übasetzn ko. Dodafia konn ma d´Sätze entweda am Computa schreim, bei a boa Sprachn aba aa üba a Mikrophon einisprecha. Wanns uns mitteiln dadn, wia Eana Muadasprach hoasst, kenna mia de oft voaeinstäin. Da Computa übasetzt nachad des, wosa verstandn hod, meist one Fehla, manchmoi aa mid Schwierigkeitn. Am End kommas dann imma lesn, manchmoi konn ma es üba des Sprachprogramm oba aa ohearn. Uns is des wuaschd, wei Bayern werd eh Moasda. Vialleicht is a wenig umständli, aba es huift.

Bittsche bassn auf, dass mia fia Eanan Bsuach Zeit fest eiplana dean und dass unsa Team auf Eana wort. Soitn Sie oan Termin ned eihoiten kenna, bitte derns scho am Voadog Bscheid gem. Aba aufbassn, dass´ auf jedn Foi pünktli do hand, wei blos aso homma mia gnuag gemeinsame Zeit.

Üba uns

Unsa Praxis gibts seit 1993, damois no mid 2 Behandlungszimmer, seit End 2002 homma mia oan weitern Behandlungsraum eibaut. Zwischn 2003 und 2008 hod a zahnärztliche Koiegin (Frau Dr. Schee) unsa Team verstärkt und es uns möglich gmacht, dasma umfangreichere Behandlungszeitn obietn kena, zwischn 2010 und 2012 wama mia a zahnärztliche Berufsausübungsgemeinschoft mid da Fra Dr. Katharina Oitmaia. Im Joa 2012 isda Dr. Köcha dazuakema und nachad 2014 no a Zahnärztin, D´Fra Christine Gascard. Mid Wirkung vom 1.1.2014 samma a neie Berufsausübungsgemeinschoft mitda Dr. Birgit Büttna woan.

No z‘ Ofang hamma mia a gloans zahntechnischs Loboa ghat, woma ham gloaene Prothesenreparaturn, Unterfütterunga und so Zeig hoit ham macha keena. Seit üba 10 Joa kenna mia in unsam zahntechnischn Moasdabetrieb unta da Leitung vo Zahntechnikermoasda Klaus Greese fost olle gängign prothetischn Oabatn ofertign.

Bei uns wern olle üblichn zahnärztlichn Behandlungsmaßnahma obotn – loggisch. Dazua kean natürli Füllungstherapin mid unterschiedlichstn Madrial, dewo fia Eana bassn, ano Parodontitisbehandlunga, chirurgische Behandlunga, prothetische Versoagunga, Röntgendiognostik, Prophylaxe usw..

Danem gibt’s in unsam Spektrum aa komplexere zahnärztliche Versoagunga. Dadazua zöin Implantatversoagunga, Knochenaufbautn bei de Parodontitispaziendn, ästhetische Zahnbehandlunga (z.B. Zähne-weis-mocha etc) und Vuis mehr.

Des Weidern hod si unsa Team seit mera wia 5 Joa spezialisiert auf Zahnbehandlunga, de bei bestimmtn Paziendn blosno in Voinarkosn durchgeführt werdn kenna, songma moi bei behinderte Paziendn, gloane Kinda oda extreme Ongsthosn. Dodafia homma mia engn Kontakt z‘ zwoa Narkosedoktan, deiwo uns heifa doan. Im Joa werdn vo uns so mera wia 150 Paziendn betreit.